Ölkə başçısının tapşırığına uyğun olaraq Bakı Şəhər İcra Hakimiyyətinin başçısı Eldar Əzizovun paytaxtın qəsəbələrində keçirdiyi əhali ilə görüşləri çərçivəsində növbəti görüş Qaradağ rayonu Lökbatan qəsəbəsində təşkil edilib.

“Qafqazinfo” xəbər verir ki, görüşdə çıxış edən şəhər rəhbəri paytaxtda həyata keçirilən genişmiqyaslı abadlıq və quruculuq işləri, o cümlədən çoxmənzilli binaların dam örtüklərinin, fasad və girişlərinin təmiri, yeni liftlərin quraşdırılması “Abad məhəllə”lərin yaradılması barədə məlumat verib.

Yüzlərlə sakinin iştirakı və ənənəvi “Açıq mikrofon” formatında keçirilən görüşdə hər bir sakin öz irad və təkliflərini deməyə imkan tapıb, Eldar Əzizov və Qaradağ Rayon İcra Hakimiyyətinin başçısı Süleyman Mikayılov, aidiyyəti qurumların rəhbərləri sakinlərin müraciət və təkliflərini 3 saatdan çox vaxt ərzində ayaqüstə dinləyiblər.

Vətəndaşı dinləyən Eldar Əzizov bildirib ki, Azərbaycan vətəndaşların hüquqları, o cümlədən söz və toplantı azadlıqlarının qorunduğu demokratik ölkədir:

"Şəhər rəhbərliyi İcra Hakimiyyətinin binası qarşısında piket keçirilməsinə icazə verdikdən sonra, dərs prossesinin pozulması və mərkəzdə tıxacların yaranması ilə bağlı daxil olmuş şikayətlərin sayı, piketə gələn iştirakşıların sayından dəfələrlə çox olub Aksiyada asayiş pozuntuları və təxtibat cəhdlərinə baxmayaraq Avropa ölkələrindəki müxtəlif aksiya və ixtişaşlar zamanı müşahidə etdiyimizdən fərqli olaraq polis çox korrekt və səliqəli davranış nümayiş etdiriblər".

Maraqlı dialoq formasında keçən görüşdə ümumilikdə 33 nəfər qəsəbə sakini çıxış edib. Bütün müraciət və təkliflər nəzarətə götürülüb. Bir sıra problemlər yerindəcə həll edilib.