Ələt yolunda sərnişin avtobusu ilə “Qazel” toqquşdu
Ötən gecə Qaradağ rayonu Ələt ərazisində beynəlxalq daşıma ilə məşğul olan sərnişin avtobusu qəzaya düşüb.
Bu barədə “Qafqazinfo” ya Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova məlumat verib.
O qeyd edib ki, “Araz Trans” şirkətinə məxsus olan sərnişin avtobusu Tbilisi-Bakı-Tbilisi istiqamətində sərnişinlərə xidmət edir: “Bu gecə avtobus Tbilisidən Bakıya qayıdarkən Qaradağ rayonu ərazisində ot daşıyan “Qazel” markalı maşına çırpılıb.
Sərnişinlərdən ciddi xəsarət alan olmayıb. 3 nəfər yüngül xəsarət alıb. Ev şəraitində müalicə olunurlar. Avtobus sürücüsü gürcü vətəndaşıdır. Hazırda qəzanın başvermə səbəbləri araşdırılır”.
O, həmçinin vurğulayıb ki, "Araz Trans" MMC-nin rəhbəri Bəsti Məmmədova DANX-yə məlumat verərək bildirib ki, sürücü ilə müqaviləyə bazar ertəsi xitam veriləcək.
Günel Türksoy
Son Xəbərlər
- 1
- 2
- 3
- 4
- 5
- 6
