Əli Əhmədov UNICEF-in regional direktoru ilə görüşdü
Nazirlər Kabinetinin mətbuat xidmətindən “Qafqazinfo”ya verilən məlumata görə, səmimi qəbula üçün təşəkkürünü bildirən xanım Mari-Piyer Puarye UNICEF-lə Azərbaycan hökuməti arasında uzun illər davam edən faydalı əməkdaşlıqdan razılığını ifadə edib.
Ə.Əhmədov UNICEF-in ötən illər ərzində ölkəmizdəki fəaliyyətinin, o cümlədən Azərbaycan hökumətinin səhiyyə sisteminin təkmilləşdirilməsi və səhiyyə islahatının həyata keçirilməsi işində bu mötəbər qurumun da dəstəyinin təqdirəlayiq olduğunu qeyd edib. Baş nazirin müavini xüsusən birgə əməkdaşlıq nəticəsində uşaqların sağlamlığının mühafizəsi, ana və uşaqlar üçün xidmətlərin təkmilləşdirilməsi və şəraitin yaxşılaşdırılması, həmçinin uşaqlarda əlilliyin erkən aşkar edilərək profilaktikası istiqamətində müsbət nəticələrə nail olunduğunu vurğulayıb.
Qəbul zamanı 2016-2020-ci illər üçün UNICEF tərəfindən hazırlanan əməkdaşlıq üzrə yeni proqramın prioritetləri və qarşılıqlı maraq doğuran digər məsələlər ətrafında da fikir mübadiləsi aparılıb.
Son Xəbərlər
- 1
- 2
- 3
- 4
- 5
- 6
