Əli Əsədovdan Türkiyənin Vitse-prezidentinə məktub

eli-esedovdan-turkiyenin-vitse-prezidentine-mektub
Oxunma sayı: 979

Baş Nazir Əli Əsədov oktyabrın 29-da Türkiyənin Vitse-prezidenti Fuat Oktaya məktub ünvanlayıb.

Nazirlər Kabinetindən “Qafqazinfo”ya verilən məlumata görə, Əli Əsədov Türkiyə Respublikasının milli bayramı – Respublika Günü münasibətilə Fuat Oktayı və qardaş türk xalqını təbrik edib.

Baş Nazir, həmçinin məktubunda Türkiyənin Vitse-prezidentini Ermənistanın Azərbaycana qarşı davam edən hərbi təxribatı ilə əlaqədar son hadisələr barədə məlumatlandırıb. Ermənistanın Azərbaycana qarşı vəhşiliklərini və hərbi cinayətlərini pislədiyinə, Azərbaycanın haqq işini dəstəklədiyinə görə Türkiyə rəhbərliyinə və bütün qardaş türk xalqına bir daha dərin təşəkkürünü bildirib.

Azərbaycanla Türkiyənin bütün məsələlərdə bir-birini dəstəkləməsinin, bir-birinin yanında olmasının iki ölkənin əsrlərin sınağından çıxmış qardaşlığının və müttəfiqliyinin bariz şəkildə ifadəsi olduğu vurğulanıb.