“Əlimizdən gələni edəcəyik”

elimizden-geleni-edeceyik
Oxunma sayı: 2300

“Qarabağ”ın baş məşqçisi Qurban Qurbanov Avropa Liqasının qrup mərhələsinin ilk turu çərçivəsində İsrailin “Makkabi” (Təl-Əviv) klubuna qarşı keçirəcəkləri səfər oyunu öncəsi fikirlərini bölüşüb.

"Qafqazinfo" xəbər verir ki, təcrübəli mütəxəssis İsraildə baş tutan mətbuat konfransında bunları söyləyib:

““Makkabi”nin həm “Dinamo” (Brest, Belarus), həm də “Zalsburq”la matçlarını izləmişəm. Özünəməxsus oyun taktikası olan bir komandadır. Rəqibin hansısa futbolçusunu fərqləndirmək istəməzdim. “Makkabi”nin yaxşı oyun fəlsəfəsi var.

Təbii ki, hazırda ölkəmizdə müharibə getdiyinə görə fikrimizin əsgərlərimizin yanında olması normaldır. Ordumuz torpaqlarımızın işğaldan azad olunması üçün mübarizə aparır. Hər gün cəbhədən xoş xəbərlər gəlir.

Futbolçularımı sabahkı matça motivasiya etməyə çalışacam. Sərfəli nəticə qazanmaq üçün əlimizdən gələni edəcəyik”.