Əliyar Əliyevin kəndindən görüntülər - Video
Müdafiə Nazirliyi Milli Qəhrəman Əliyar Əliyevin doğulduğu Qubadlı rayonunun Qəzyan kəndindən görüntülər yayımlayıb.
“Qafqazinfo” həmin videonu təqdim edir:
Qeyd edək ki, Ə.Əliyev 1957-ci ildə dekabrın 14-də bu kənddə anadan olub.
Qarabağ müharibəsi başlayanda Ə.Əliyev könüllü olaraq Azərbaycan Silahlı Qüvvələrinin sıralarına qoşulub. Əvvəlcə taborun kəşfiyyat bölməsinin komandiri, sonra tabor komandirinin təchizat üzrə müavini təyin edilib.
1992-ci il sentyabrın 30-da Laçın rayonu istiqamətində döyüşə rəhbərlik edib.
O, həmin ilin payızında 40 könüllü döyüşçü ilə birlikdə işğal altındakı Laçının 40-a qədər kəndini dörd gün ərzində ermənilərdən azad edib.
Milli Qəhrəmanın son döyüşü 1992-ci il oktyabrın 3-də Laçının iki kilometrliyində olub. “Tikanlı zəmi” yüksəkliyi uğrunda döyüşdə tabor komandiri Əliyar Əliyev və onun sürücüsü Əlisadət Ağayev qəhrəmancasına həlak olublar. O, Qubadlı rayonunun Qəzyan kəndində dəfn edilib.
Son Xəbərlər
- 1
- 2
- 3
- 4
- 5
- 6
