Ərdoğan Nazirlər Kabinetini topladı - Yenilənib

erdogan-nazirler-kabinetini-topladi
Oxunma sayı: 2867

Türkiyədə Prezident Rəcəb Tayyib Ərdoğanın sədrliyi ilə Nazirlər Kabinetinin iclası başlayıb.

“Qafqazinfo” xəbər verir ki, bu barədə Anadolu Agentliyi məlumat yayıb.

Qeyd olunub ki, Prezident Kompleksində keçirilən iclasının əsas gündəliyi ölkə iqtisadiyyatındakı son vəziyyət olacaq.

Görüşdə 9-cu Mühakimə paketi islahatı, təhsil işçilərinə qarşı şiddətə görə cəzaların artırılması ilə bağlı işlər, eləcə də inflyasiya və süni qiymət artımı ilə mübarizə çərçivəsində həyata keçirilən tədbirlərin nəticələri müzakirə olunacaq.

Terrorla mübarizə əməliyyatları və təhsil işçilərinə qarşı zorakılığın qarşısının alınması üçün hüquqi bazanın gücləndirilməsi istiqamətində görülən işlər də iclasın gündəliyinə daxil edilib.

***

“Qafqazinfo” “Sputnik Türkiyəyə” istinadən xəbər verir ki, Türkiyə Prezidenti Rəcəb Tayyib Ərdoğanın sədrliyi ilə keçirilən iclas artıq başa çatıb.