Ermənistan Prezidentinə xiyarla etiraz etdilər

ermenistan-prezidentine-xiyarla-etiraz-etdiler
Oxunma sayı: 2003

İrəvanda erməni müxalifətçilər aksiya keçirərək ölkədəki qanun səviyyəsindən narazılıqlarını bildiriblər.

“Qafqazinfo” “Sputnik Ermənistan”a istinadən xəbər verir ki, “Müqavimət” hərəkatının nümayəndələri Prezident İqamətgahının qarşısına xiyar qoyublar.

“Baxmayaraq ki, Prezident Konstitusiyanın qorunması ilə məşğul olmalıdır, lakin o Ermənistanda tərəvəz və bostan bitkilərinin nümayəndəsidir, heç bir iş görmür və bir nəfərin göstərişinə əməl edir. Biz ona bu tərəvəzi fəaliyyətsizliyinin simvolu kimi gətirmişik, jestimizdə heç bir şəxsi təhqir yoxdur”, - deyə aksiya iştirakçıları qeyd ediblər.

Deputat Tadevos Avetisyan qeyd edib ki, ölkədə qanunun aliliyi yoxdur, Konstitusiya və Konstitusiya Məhkəməsi Baş nazirin və onun komandasının maraqlarına xidmət edir.