Ermənistanda aksiyada etirazçı öldü - Yenilənib

Ermənistanda aksiyada etirazçı öldü
Oxunma sayı: 3462

Ermənistanın paytaxtı İrəvanda ölkənin Baş naziri Nikol Paşinyana qarşı növbəti etiraz aksiyası keçirilir.

“Qafqazinfo” “RİA Novosti”yə istinadən xəbər verir ki, müxalifət nümayəndələri İrəvanda yenidən bir neçə küçəni bağlayıb.

Aksiya iştirakçıları vətəndaşları onlara qoşulmağa çağırıb. Hələ ki saxlanılanlar barədə məlumat yoxdur.

Xatırladaq ki, Ermənistanda aprelin sonundan etibarən ölkənin Baş naziri Nikol Paşinyana qarşı aksiyalar təşkil edilir. Etirazçılar Paşinyanın və cari hökumətin istefasını tələb edirlər. Müxalifət nümayəndələri aksiyalar zamanı İrəvanda küçələri və vilayətlərdə avtomobil yollarını bağlayırlar.

***

Polis yolun hərəkət hissəsi ilə “Fransa” meydanından Abovyan küçəsinə tərəf gedən aksiya iştirakçılarını saxlamağa başlayıb. Aksiya iştirakçıları “Nikolsuz Ermənistan” şüarı səsləndirib. 

***

Saat 12-yə olan məlumata görə, aksiyada saxlanılanların sayı 49-a çatıb.

***

Müxalifət nümayəndələri tərəfindən “Fransa” meydanında qurulun çadırlarda olan aksiya iştirakçılarından biri dünyasını dəyişib. İlk olaraq, sözügedən şəxsin halı pisləşib və o, təcili yardım avtomobili ilə klinikaya çatdırılıb. Həkimlərin müdaxiləsinə baxmayaraq, aksiya iştirakçısının həyatını xilas etmək mümkün olmayıb. Etirazçının ürəktutmadan dünyasını dəyişdiyi bildirilir.