Ermənistanın İrandakı səfiri geri çağırıldı

Ermənistanın İrandakı səfiri geri çağırıldı
Oxunma sayı: 1254

Ermənistan Prezidenti Armen Sarkisyan ölkənin İrandakı səfiri Artaşes Tumanyanı geri çağırıb.

“Qafqazinfo” xəbər verir ki, bu barədə məlumatı Ermənistan hökumətinin mətbuat xidməti yayıb.

Ermənistan KİV-nin bu yaxınlarda yazdığına görə, İran tərəfi Tumanyanın işindən narazıdır. Həmçinin Ermənistan hökumətinin onu ölkənin xarici işlər nazirinin müavini təyin etmək planları barədə də məlumatlar yayılıb. 

Qeyd edək ki, A.Tumanyan 1999-2000-ci illərdə nazirin birinci müavini, daha sonra isə Prezident Aparatının rəhbəri vəzifəsini icra edib. Buna qədər isə, millət vəkili olub.