Estoniyada fövqəladə vəziyyət elan olundu
Estoniya hökuməti koronavirus pandemiyası səbəbiylə ölkədə fövqəladə vəziyyət elan edib. “Qafqazinfo” xəbər verir ki, bu barədə Estoniyanın Nazirlər Kabineti açıqlama yayıb.
“Qlobal koronavirus pandemiyası və xəstəliyin Estoniyada daha geniş yayılması təhlükəsi ilə bağlı olaraq, hökumət bu ölkədə fövqəladə vəziyyət rejimi elan edir”,- deyə Nazirlər Kabinetinin açıqlamasında bildirilir.
Fövqəladə vəziyyət çərçivəsində bütün ictimai toplantılara qadağa qoyulacaq, məktəblər martın 16-dan distant təhsilə keçəcək, maraq qrupları və bölmələrin işi dayandırılacaq. Sərhəd keçid məntəqələrində, hava limanlarında və limanlarda sanitar nəzarət tətbiq ediləcək, ölkəyə giriş zamanı bütün gələnlərdən gediş marşrutlarını müəyyənləşdirmək üçün anket doldurmaları tələb olunacaq.
Muzeylər və kinoteatrlar mayın 1-nə qədər bağlanacaq. Konsertlər, konfranslar və idman tədbirləri ləğv ediləcək. İctimai palatalar, xəstəxanalar və həbsxanalar ziyarətləri dayandıracaq. Bu tədbirlər iki həftədən bir yenidən nəzərdən keçiriləcək.
Qeyd edək ki, Estoniyada yeni tip koronavirusa ilk yoluxma faktı fevralın 27-də qeydə alınıb. Ölkədə koronavirus xəstələrinin sayı 27-yə çatıb.
Son Xəbərlər
- 1
- 2
- 3
- 4
- 5
- 6
