ETSN və ekokönüllülər “Könüllü Donor” kampaniyasına qoşuldu - Fotolar

etsn-ve-ekokonulluler-konullu-donor-kampaniyasina-qosuldu
Oxunma sayı: 1553

Ekologiya və Təbii Sərvətlər Nazirliyinin nümayəndələri və ekokönüllüləri talassemiya və hemofiliya xəstəliyindən əziyyət çəkən insanlara yardım məqsədilə başladılan “Könüllü Donor” kampaniyasına qoşulub.

"Qafqazinfo" xəbər verir ki, onlar xüsusi karantin rejiminin qaydalarına əməl etməklə bu aksiyada iştirak ediblər.

Ekokönüllülər qan çatışmazlığından əziyyət çəkənlərə dəstək vermək və onları həyata bağlayan bir ümid olmaq üçün hər kəsi bu nəcib aksiyaya qoşulmağa çağırıb və cəmiyyətin diqqətini bu xeyirxah  məsələyə yönəltmək istəyib. Onlar bildiriblər ki, Milli Hematologiya və Transfuziologiya Mərkəzinin təkcə Bakıda deyil həmçinin Şirvan, Lənkəran, Quba, Şəki, Mingəçevir, Bərdə və Gəncədə də bölmələri fəaliyyət göstərir və hər kəs bu bölmələrə müraciət etməklə xeyirxah aksiyanın iştirakçısı olsun.

Xatırladaq ki, Azərbaycanda talassemiya və hemofiliya xəstəliyindən əziyyət çəkən şəxslərə kömək məqsədilə  Azərbaycan Könüllülərinin Əlaqələndirmə Mərkəzi və Milli Hematologiya və Transfuziologiya Mərkəzi – Qan Bankı tərəfindən “Könüllü Donor” aksiyasına start verilib.