“Eurovision” terrorçularına hökm oxundu
Bakı Ağır Cinayətlər Məhkəməsindən Trend-ə verilən məlumata görə, bu gün təqsirləndirilənlər Kamal Yaqubov, Rəşad Şahbazov, Rəcəb Abbasov və Afiq Allahverdiyevin işi üzrə məhkəmə prosesi başa çatıb. Prosesdə təqsirləndirilənlərə hökm elan olunub.
Məhkəmənin hökmü ilə Kamal Rəcəbov 14 il, Rəşad Şahbazov 13 il 6 ay, Rəcəb Abbasov 12 il, Afiq Allahverdiyev 12 il müddətinə azadlıqdan məhrum ediliblər.
Qeyd edək ki, Milli Təhlükəsizlik Nazirliyi (MTN) "Eurovision 2012" mahnı müsabiqəsi ərəfəsində Bakı, Sumqayıt, Gəncə şəhərlərində, o cümlədən Qax, Zaqatala, Şəki, Quba rayonlarında xüsusi əməliyyat keçirmiş, terror hadisələri planlaşdırmaqda şübhəli bilinən ümumilikdə 40 nəfəri zərərsizləşdirmişdi. Qrup üzvlərinin cinayət işləri mahiyyəti üzrə ayrı-ayrılıqda araşdırılıb.
Onlar Cinayət Məcəlləsinin dövlətə xəyanət, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən, təkrar terrorçuluq törətməyə cəhd, qaçaqmalçılıq, qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə maddələri ilə ittiham edilirlər.
Son Xəbərlər
- 1
- 2
- 3
- 4
- 5
- 6
