Evinə girən oğrunu tutub polisə təhvil verdi
“Qafqazinfo” DİN-ə istinadən xəbər verir ki, yanvarın 19-da Xəzər rayonunun Buzovna qəsəbəsində Nazim Kərimovun yaşadığı evə açıq qalmış qapıdan girən 4 maskalı şəxs bıçaqla ona xəsarət yetirib pul və qızıl əşyalar verməsini tələb edib. Müqavimətlə rastlaşdıqlarından hadisə yerini tərk edərkən N.Kərimov onlardan birini tutub hadisə yerinə gələn polis əməkdaşlarına təhvil verib.
Xəzər Rayon Polis İdarəsi 2-ci Polis Bölməsi əməkdaşları tərəfindən aparılan araşdırmalar zamanı həmin şəxsin Bakı şəhər sakini Xəyal Əlimərdanov olması müəyyən edilib.
X.Əlimərdanov hadisəni 3 nəfərlə birgə törətməsini etiraf edib.
Həyata keçirilən əməliyyat-axtarış tədbirləri ilə R.İsgəndərov tutulub, digər şəxslərin tutulması üçün tədbirlər davam etdirilir.
Murad Əhməd
Son Xəbərlər
- 1
- 2
- 3
- 4
- 5
- 6
