Əziz Əzizov “Bilik günü” tədbirində - Fotolar

Əziz Əzizov “Bilik günü” tədbirində
Oxunma sayı: 808

Mənzil İnşaatı Dövlət Agentliyinin Yasamal yaşayış kompleksinin ərazisində yerləşən məktəb ötən il Prezident İlham Əliyev və birinci xanım Mehriban Əliyevanın iştirakı ilə istifadəyə verilib. 

“Qafqazinfo” xəbər verir ki, bu il açılışdan sonra yeni tədris ilində ilk dəfə olaraq Cəfər Cabbarlı adına 161 nömrəli orta məktəb qapılarını şagirdlərin üzünə açıb.

960 şagird yerlik tam orta məktəbdə 36 sinif otağı var. Onlardan 15-i ibtidai, 21-i isə yuxarı sinif şagirdləri üçündür. Siniflərin hamısı zəruri tədris avadanlığı ilə təchiz olunub. Burada, həmçinin 6 tədris laboratoriyası şagirdlərin istifadəsinə veriləcək.

Tədbirdə iştirak edən Yasamal Rayon İcra Hakimiyyətinin başçısı Əziz Əzizov müəllim və şagird kollektivini təbrik edərək vurğulayıb ki, bu təhsil ocağında yaradılan şərait son illər ölkədə təhsil sahəsində aparılan islahatların uğurlu nəticələrinin əyani göstəricisidir:

“Bütün bunlar Azərbaycanda təhsil sferasının keyfiyyətcə yeni mərhələyə qədəm qoyması ilə nəticələnib. Yeni məktəb binalarının inşası, mövcud təhsil müəssisələrinin əsaslı şəkildə yenidən qurulması ölkəmizdə təhsil sahəsinin müasirləşdirilməsi istiqamətində aparılan işlərin tərkib hissəsidir. Bütün bu işlər həm də onu göstərir ki, Azərbaycanda təhsilin və elmin inkişafına ən yüksək səviyyədə dövlət qayğısı var. Bu da, təsadüfi deyil. Çünki dövlətin yürütdüyü siyasətin prioritetlərindən biri də insan kapitalının daha da inkişaf etdirilməsi, gənc nəslin müasir, intellektual və savadlı yetişməsidir. Bu baxımdan təhsil sahəsinə qoyulan investisiyalar, o cümlədən yeni-yeni məktəb binalarının inşası, mövcud təhsil müəssisələrində yeni korpusların tikilməsi və əsaslı təmiri mühüm əhəmiyyət kəsb edir”.

Bakı Şəhəri üzrə Təhsil İdarəsinin müdir müavini İlhamə Abdullayeva çıxış edərək 1-ci sinfə qədəm qoyan şagirdlərə uğurlar arzulayıb.

Sonra birincilər üçün ilk zəng çalınıb.





Daha tez məlumatlanmaq üçün yeni Facebook səhifəmizi