“Əziz kişi bircə addım öndə olsa, qəlpə dəyə bilməzdi” - Foto

eziz-kisi-birce-addim-onde-olsa-qelpe-deye-bilmezdi-foto
Oxunma sayı: 6241

Bu gün erməni təxribatı nəticəsində həyatını itirən Tovuzun Ağdam kənd sakini, 76 yaşlı Əziz Əzizov dəfn edilib.

Bu barədə məlumatı jurnalist İlkin Muradov sosial şəbəkədə paylaşıb. Bildirib ki, son 3 saatdır Ağdam kəndi istiqamətində atışma dayanıb:

“Əziz kişi dünən qızı və nəvəsi ilə evdə imiş. Qızını və nəvəsini dünən kənddən çıxarıb. Özü deyib ki, getməyəcəm. Axşam yenə də polis gəlib və evdən çıxmasını istəyib. Amma Əziz Əzizov kənddən çıxmayacağını deyib. Bu gün səhər atılan top onun evinin qarşısına düşüb. Qəlpələr koridorda olan Əziz kişini ağır yaralayıb. Əziz Əzizov bircə addım öndə olsa koridordan çıxacaqmış. Orada isə ona qəlpə dəyə bilməzdi”.

“Qafqazinfo” fotoqraf Məhəmməd Türkmənin həmin evdə mərhumdan qalan qırıq eynək və ayaqqabısının təsvir olunduğu fotonu təqdim edir: