Fəhlə uçqun altında qaldı - FHN xilas etdi
Fövqəladə Hallar Nazirliyinin (FHN) Dövlət Yanğından Mühafizə Xidmətinə Cəlilabad rayonunun Uzun Təpə kəndində kanalizasiya xətlərində qazıntı işləri aparılan zaman 3 metr dərinliyi olan quyuda torpaq uçqunu baş verməsi və bir fəhlənin uçqun altında qalması barədə məlumat daxil olub.
“Qafqazinfo”nun FHN-ə istinadən məlumatına görə, dərhal hadisə yerinə cəlb edilən Cəlilabad Rayon Dövlət Yanğından Mühafizə Xidmətinin yanğınsöndürən-xilasediciləri tərəfindən fəhlə torpaq altından çıxarılaraq Təxirəsalınmaz Təcili Tibbi Yardım xidmətinə təhvil verilib.
Hadisənin başvermə səbəbi araşdırılır.
Son Xəbərlər
- 1
- 2
- 3
- 4
- 5
- 6
