Fərdi hesablardakı pensiya indeksləşdirilməsinin həcmi açıqlandı
“Fərdi hesabların sığorta hissəsindəki pensiya kapitalı indeksləşdirilir. Dövlət Statistika Komitəsinin hesabatlarına əsasən, 2020-ci ildə ölkədə istehlak qiymətlərinin artım tempi 2,8 faiz olub. Buna görə də ona uyğun şəkildə fərdi hesablardakı pensiya kapitalları da indeksləşdirilərək yanvarın 1-dən 2,8 faiz artırılır”.
“Qafqazinfo”nun məlumatına görə, bunu Prezident İlham Əliyevin sərəncamı ilə pensiyalar və fərdi hesablardakı pensiya kapitallarının indeksləşdirilməsi ilə bağlı keçirilən mətbuat konfransında DSMF-nin direktoru Himalay Məmişov deyib.
O bildirib ki, bu artımlar minimum pensiya alan pensiyaçıların aldığı məbləğdə özünü göstərəcək:
“Bununla Azərbaycan MDB-də pensiyanın alıcılıq qabiliyyətinə görə yerini möhkəmləndirəcək”.
“Artım əmək müqaviləsi ilə çalışaraq sosial sığorta sistemində iştirak edən şəxslərin mənafeyinə xidmət edir”, - o əlavə edib.
Qeyd edək ki, pensiyaların indeksasiya edilərək artırılması üçün il ərzində əlavə olaraq 441 milyon manat yönəldiləcək.
Son Xəbərlər
- 1
- 2
- 3
- 4
- 5
- 6
