FHN-dən özünü yandıran şəxslə bağlı açıqlama – - Rəsmi
Fövqəladı Hallar Nazirliyindən “Qafqazinfo”ya verilən xəbərə görə, bu gün Bakı şəhəri, Yasamal rayonunda sökülmüş evin otağında 1 kv.m sahədə məişət tullantıları yanıb və 1 nəfərin yanmış cəsədi aşkar edilib.
Tikilinin qalan hissəsi yanğından mühafizə olunub.
Yanğın saat 12:18-də yanğınsöndürənlər tərəfindən söndürülüb.
Nazirliyin mətbuat katibi Oqtay Bayramov “Qafqazinfo”ya açıqlamasında yanğında həlak olan şəxsin kimliyinin hələ məlum olmadığını deyib. Yanğının baş vermə səbəbləri araşdırılır.
Qeyd edək ki, “İnterfaks-Azərbaycan” agentliyinin yaydığı məlumata görə, adı məlum olmayan “Sovetski” sakini evinin sökülməsi ilə bağlı ona verilən kompensasiyanın azlığına etiraz olaraq özünü yandırıb.
Murad Əhməd
Son Xəbərlər
