“Finala çıxmalıyıq” - Ozobiç
“Biz oyunda göstərdik ki, yaxşı komandamız var. Hesab edirəm ki, bu nəticə kifayət qədər yaxşıdır”. “Qafqazinfo” xəbər verir ki, bu sözlər “Qəbələ”nin futbolçusu Filip Ozobiçə məxsusdur.
“Qırmızı-qaralar” Azərbaycan kubokunun yarımfinal mərhələsinin ilk oyunları çərçivəsində öz səfərdə “İnter”i məğlub edib – 1:3.
Əyalət təmsilçisinin sonuncu qolunun müəllifi saytımıza verdiyi açıqlamada komandasının final şanslarını dəyərləndirib: “Biz bu oyunu yaxşı nəticə ilə geridə qoyduq. İndi cavab oyununa hazırlaşmalı və finala çıxmalıyıq. Ümid edirəm ki, finaldakı komandalardan biri “Qəbələ” olacaq”.
Ozobiç finalda hansı rəqiblə üz-üzəgəlməyin fərqinin olmadığını deyib: “Finalda rəqibimiz hansı komanda olsun? Mənim üçün həlledici oyunda hansı komandanın olmasının fərqi yoxdur. Əsas odur ki, finala vəsiqəni əldə edək”.
Son Xəbərlər
- 1
- 2
- 3
- 4
- 5
- 6
