Floydu öldürən eks-polislə bağlı hökm iyunun 16-da çıxarılacaq
Məhkəmənin ötən ilin may ayında qaradərili cinayətkar Corc Floydun düşünülməmiş qətlində təqsirli bildiyi keçmiş polis Derek Şovinə qarşı hökm iyunun 16-da çıxarılacaq.
“Qafqazinfo” xəbər verir ki, bu barədə “CNBC” telekanalı məhkəmənin qərarına istinadən bildirib.
Şovini 40 ilədək azadlıqdan məhrum etmə cəzası gözləyir. 2020-ci il mayın 25-də o, afroamerikalının saxlanılması zamanı boğucu fənddən istifadə edib. Bundan bir qədər sonra Floyd dünyasını dəyişib. Mayın 26-da Şovini və afroamerikalının saxlanılmasında iştirak edən daha üç polisi işdən kənarlaşdırıblar.
Xatırladaq ki, Floydun ölümündən sonra ABŞ-da kütləvi etirazlar və iğtişaşlar olub. Vaşinqton və Nyu-York da daxil olmaqla, təxminən 40 şəhərdə komendant saatı tətbiq edilib.
Corc Floyd
Son Xəbərlər
- 1
- 2
- 3
- 4
- 5
- 6
