Fransada uşaqlar arasında yayılan yeni xəstəlikdən ilk ölüm
Fransada ilk dəfə Kavasaki xəstəliyinə bənzər epidemiyadan uşaq ölüb.
“Qafqazinfo” xarici mediaya istinadən xəbər verir ki, Marsel şəhərində yerləşən La Timone xəstəxanasının uşaq reanimasiya şöbəsinin rəhbəri Fabrise Mişel açıqlamasında uşağın 9 yaşı olduğunu bildirib. Onun sözlərinə görə Kavasaki xəstəliyinə bənzəyən bu epidemiya əsasən ürək və damarları zədələyir. Ölən azyaşlı infarkt diaqnozu ilə xəstəxanaya yerləşdirilib və onda Covid-19 da aşkar edilib. Hazırda Fransada yeni xəstəliyə 125 uşaq yoluxub.
Bu sindrom İngiltərə, İsveçrə, ABŞ və Belçikada da yayılıb.
Son Xəbərlər
