Füzuli rayonunda barama tədarükünə başlanılıb - Foto

Füzuli rayonunda barama tədarükünə başlanılıb
Oxunma sayı: 956

Füzuli Rayon İcra Hakimiyyətinin başçısı Alı Alıyev mayın 28-də karantin qaydalarını gözləməklə barama tədarük məntəqəsində olub, kümçülərlə görüşüb, onlarla söhbət edib, məsləhət və tövsiyələr verib. 

“Qafqazinfo” xəbər verir ki, bildirilib ki, baramaçılıq baramaçılığın uzun fasilədən sonra bərpa olunması regionlarda yaşayan əhalinin məşğulluğunun artırılmasına, onların sosial rifah hallarının yüksəldilməsinə xidmət edir: “Keyfiyyətli barama əldə etmək üçün tut yarpağının bol olması ən vacib şərtlərdən biridir. Çünkü ipəkqurdu yaxşı bəslənildikdə, istehsal edilən barama da keyfiyyətli olur”. 

İpəkqurdu saxlayan kümçülər bildiriblər ki, baramaçılığın inkişafı kənd əhalisinin sosial-rifah halının yüksəldilməsinə, məşğulluğunun artırılmasına xidmət edən amildir. 

Qeyd olunub ki, ölkə başçısının baramaçılığın inkişafına dair tapşırıq və göstərişlərinə uyğun olaraq bu mövsüm kümçülərə 1250 qutu, 25000 qr ipəkqurdu toxumu rayona gətirilərək paylanılıb. Ötən il baramadan yaxşı gəlir əldə edən kümçülər cari ildə daha çox toxum götürüblər – keçən illə müqayisədə 100 qutu çox. 2019-cu ildə rayon üzrə 49 ton 500 kiloqram yaş barama istehsal edən rayon kümçülərinin builki hədəfi 50 tonun üzərindədir. Hazırda yaş baramanın 1 kq-nın subsidiya ilə birlikdə 9 manat olmasını nəzərə alsaq istehsal olunacaq 50 tondan artıq baramdan rayon sakinləri qısa müddət ərzində 450 min manatdan artıq vəsait əldə edəcəklər. Təkcə baramaçılıqla bu il 625 ailə, 3230 nəfər məşğul olur ki, bu da əlavə iş yerləri, əlavə qazanc və yaxşı güzəran deməkdir.





Daha tez məlumatlanmaq üçün yeni Facebook səhifəmizi