Gəlini və nəvəsi ilə itkin düşən kişinin meyiti tapıldı- - Bakıda müəmmalı hadisə
“Qafqazinfo”nun əldə etdiyi məlumata görə, Suraxanı rayonu, Əmircan qəsəbəsində yaşayan 1953-cü il təvəllüdlü Elxan Əliağa oğlu Sultanovun Xəzər rayonu, Qala qəsəbəsi ərazisində ağacdan asılmış meyiti tapılıb.
Məlum olub ki, E.Sultanovun oğlu Məmməd Sultanov avqustun 30-da Suraxanı RPİ 31-ci Polis Bölməsinə müraciət edərək bildirib ki, atası Elxan Sultanov, arvadı 1982-ci il təvəllüdlü İradə və qızı 2005-ci il təvəllüdlü Ləman avqustun 27-si saat 15-də evdən gedib qayıtmamışdır. Həmin gündən hər üç şəxs itkin kimi qeydə alınıb. Elə sözügedən tarixdə Məmməd Sultanovun atasının asılmış meyiti tapılıb.
Xəzər Rayon Prokurorluğundan “Qafqazinfo”ya bildirilib ki, hadisədən 7 gün keçsə də, itkin düşən ana və qızı hələ də tapılmayıb.
Xəzər Rayon Prokurorluğu tərəfindən Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.
Murad Əhməd
Son Xəbərlər
- 1
- 2
- 3
- 4
- 5
- 6
