88 Saylı Şamaxı Seçki Dairəsindən deputatlığa namizəd Sərdarlı Şahin Rövşən oğlunun təbliğat-təşviqat kampaniyası davam edir.

“Qafqazinfo” xəbər verir ki, iki gün ərzində nümayəndələr və könüllülərlə birgə Şamaxının, Meysəri, Qaravəlli, Məlcək, Mirikənd, Qurdtəpə, Muğanlı, Şirvan, Şərədil və Günəşli kəndlərindən olan seçicilərlə görüş keçirilib.

Könüllülər tərəfindən seçicilərə məlumat açıqcaları paylanılıb. Təşviqat kampaniyasında iştirak edən seçicilər gənc kadrlara yüksək etimad göstərdiklərini bildiriblər.

Qeyd edək ki, Ş.Sərdarlı 12 aprel 1997-ci ildə Şamaxı rayonunun Meysəri kəndində anadan olub. 2014-cü ildə şəhid əmisi Aslan Sərdar oğlu Şirinov adına Şamaxı rayon Meysəri kənd tam orta məktəbini bitirib və Bakı Slavyan Universitetinin “Beynəlxalq münasibətlər” ixtisasına qəbul olub. 2017-ci ildə Azərbaycan Dillər Universitetinin “Regionşünaslıq” ixtisasına transfer olunub, 2020-ci ildə məzun olub. Həmçinin İstanbul Esenyurt Universitetinin bir sıra təlim və inkişaf proqramlarını başa vurub.

O, bir sıra tanınmış media orqanlarında müxbir, redaktor vəzifələrində çalışıb. Bakı Slavyan Universitetinin, ADU-nun İctimaiyyətlə əlaqələr şöbəsində Mətbuat xidmətində fəaliyyət göstərib. ADU-nun Tələbə Həmkarlar İttifaqı Komitəsinin sədri, ADU-nun Tələbələrlə İş və Tədbirlərin təşkili şöbəsinin müdiri vəzifələrində çalışıb.

Hərbi xidmətini Vətən müharibəsi dönəmində Şuşa şəhərində başa vurub.

Ş.Sərdarlı 2021-ci ildən Karyera və İşə Hazırlıq Mərkəzi MMC-ni təsis edib, hazırda direktor vəzifəsində çalışır.