Gəncədə ev yandı - Sahibi öldü
Gəncədə bir nəfərin ölümü ilə nəticələnən yanğın hadisəsi qeydə alınıb.
“Qafqazinfo” Fövqəladə Hallar Nazirliyinin saytına istinadən xəbər verir ki, şəhərin Nizami rayonunda vətəndaşa məxsus 98 kv.m sahəsi olan birmərtəbəli 4 otaqlı evdə yanğın baş verib. Nəticədə evin yanar konstruksiyaları və əşyaları yanıb.
Yanğınsöndürənlər tərəfindən yanğın yerinin kəşfiyyatı zamanı 1962-ci il təvəllüdlü Arif Məmməd oğlu Sultanovun yanmış meyiti aşkar olunub. Evin qalan hissəsi yanğından mühafizə olunub. Yanğın saat 01:56-da yanğınsöndürənlər tərəfindən söndürülüb.
Son Xəbərlər
- 1
- 2
- 3
- 4
- 5
- 6
