Gömrük Əməkdaşlıq Şurasının 132-ci sessiyası keçirilir
Ümumdünya Gömrük Təşkilatının Brüsseldə yerləşən Baş qərargahında iyunun 28-də başlayan Gömrük Əməkdaşlıq Şurasının 132-ci sessiyası bu gün davam edib.
“Qafqazinfo”nun məlumatına görə, tədbirdə Azərbaycanı Dövlət Gömrük Komitəsinin sədri, gömrük xidməti general-leytenantı Səfər Mehdiyevin rəhbərliyi ilə nümayəndə heyəti təmsil edir.
Sessiyanın ilk iş günündə Gömrük Əməkdaşlıq Şurasının 129/130-cu sessiyalarının və 131-ci sessiyasının protokolları təsdiq edilib.
Daha sonra Siyasi Komissiyanın 78-ci və 79-cu sessiyalarında qaldırılmış məsələlərin müzakirəsi başlayıb.
Sessiyanın ilk iş günü nümayəndə heyəti rəhbərlərinin iclası ilə başa çatıb.
.jpg)
İyunun 29-da isə sessiya texniki məsələlər sırasında - nəzarət və asanlaşdırma, potensialın gücləndirilməsi mövzularında müzakirələri davam etdirib.
Bununla da sessiya bügünkü işini yekunlaşdırıb.
Sessiya iyunun 30-da davam edəcək.
Son Xəbərlər
- 1
- 2
- 3
- 4
- 5
- 6
