Gövhərağa məscidi ilə bağlı bəyanat
Azərbaycanda yaşayan dini konfessiyaların rəhbərləri Şuşadakı Gövhərağa məscidi ilə bağlı birgə bəyanat yayıb.
“Qafqazinfo” xəbər verir ki, bəyanatda ermənilərin işğal altında saxladıqları ərazilərdə dini-mədəni abidələrə qarşı tarixin saxtalaşdırılması yolu ilə həyata keçirdiyi əməllər pislənilib: “Ermənistan özlərinin dağıtdığı Şuşadakı Gövhərağa məscidinin “təmir-bərpa”sından sonra təxribat xarakterli “açılışına” hazırlaşır. İşgalçı rejim bu işləri qonşu, müsəlman ölkəsi olan İranın “Part Saman Jahan” şirkəti ilə birgə həyata keçirir.
Şuşadakı dini-mədəni abidəyə bu dırnaqarası qayğı kampaniyasını qətiyyətlə pisləyir, buna heç bir bəraət olmadığını bəyan edirik.
Biz beynəlxalq ictimaiyyəti əzəli Azərbaycan torpağında tarixi-dini abidə olan Gövhərağa məscidinə və işğal altında olan bütün ərazilərimizdəki tarixi-dini abidələrə qarşı vandalizm aktlarına qarşı öz qətiyyətli münasibətini bildirməyə çağırırıq”.
Son Xəbərlər
- 1
- 2
- 3
- 4
- 5
- 6
