Göyçayda su kanalında boğulan yeniyetmənin meyiti tapıldı - Yenilənib
Göyçay rayonunda 14 yaşlı yeniyetmə su kanalında boğularaq dünyasını dəyişib.
“Qafqazinfo”nun APA-ya istinadən verdiyi xəbərə görə, hadisə bu gün saat 15:00 radələrində Göyçayın Dövranlı kəndində qeydə alınıb. Kənd sakini 2002-ci il təvəllüdlü Məmmədov Vüqar Elşad oğlu dostları ilə birgə Yuxarı Şirvan kanalında çimərkən suda boğulub.
Kənd sakinləri meyiti kanaldan çıxara bilməyiblər.
Hadisə yerinə FHN-nin Dövlət Sularda Xilasetmə Xidmətinin Mingəçevir dalğıc-axtarış xilasetmə qrupunun əməkdaşları cəlb edilib.
Faktla bağlı Göyçay rayon Prokurorluğu tərəfindən araşdırma aparılır.
***
"Qafqazinfo" FHN-in saytına istinadən xəbər verir ki, Fövqəladə Hallar Nazirliyinin Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunub və 2002-ci il təvəllüdlü Məmmədov Vüqar Elşad oğlunun cəsədini atdığı yerdən 1000 metr aralıda tapıb çıxararaq aidiyyəti üzrə təhvil veriblər.
Son Xəbərlər
- 1
- 2
- 3
- 4
- 5
- 6
