“Günahsız günahkarlar”ın premyerası olacaq
“Qafqazinfo”nun məlumatına görə, tamaşaya qoyulan əsərin müəllifi Arzu Soltan, tamaşanın quruluşçu rejissoru İntiqam Soltan, rəssam Sevda Məmmədova, bəstəkar Mahir İbrahim, rәqslәrin quruluşçusu Könül Şahbazovadır. Tamaşa gənclər arasında məşhur olan mafiya oyunu üzərində qurulub. Gənclər yığışıb mafiya oynayırlar və özləri də bilmədən insan alveri ilə məşğul olan mafiyanın qurbanlarına çevrilirlər. Kimisi yüksək gəlirli iş adıyla, kimisi ailə qurmaq pərdəsiylə aldadılıb xaricə aparılaraq fiziki və cinsi istismara məruz qalır, kimisi orqan transplantasiyasının qurbanı olur. Bəs bütün bu oyunları quran kimdir? Mafiyanı kim idarə edir? Mafiyanı kim ifşa edə bilər? Gənclər insan alveri haqqında nələri bilməlidirlər? Bütün bu sualların cavabı tamaşada öz cavabını tapacaq.
Qeyd edək ki, Azərbaycan Respublikası Gənclər və İdman Nazirliyinin sifarişi ilə hazırlanan tamaşanın premyerası mayın 19-da saat 15:00-da Azərbaycan Dövlət Gənc Tamaşaçılar Teatrında keçiriləcək.
Son Xəbərlər
- 1
- 2
- 3
- 4
- 5
- 6
