Gürcüstan hökuməti ölkədə fövqəladə vəziyyət rejimini uzatmaq qərarına gəlib.
“Qafqazinfo” Gürcüstan mediasına istinadən xəbər verir ki, bu barədə Baş Nazir Georgi Qaxariya bildirib. Onun sözlərinə görə, fövqəladə vəziyyət mayın 10-dək davam edəcək. Bundan başqa, Tbilisi, Rustavi, Batumi və Kutaisi kimi iri şəhərlərə giriş-çıxış dayandırılır.
Görülən tədbirlərin koronavirus infeksiyasının yayılmasının qarşısını təcili surətdə almaq məqsədi daşıdığı bildirilib.
Qeyd edək ki, Gürcüstanda 296 nəfər koronavirusa yoluxub, 3 nəfər isə dünyasını dəyişib.