Gürcüstan ölkədə koronavirusa yoluxma hallarının artması səbəbindən yeni məhdudiyyətlər tətbiq edir.
“Qafqazinfo” Gürcüstanın KİV-nə istinadən xəbər verir ki, bu gündən etibarən ölkədə kafe və restoranlar 22:00-a kimi fəaliyyət göstərəcək.
Bu yeni qərardan əvvəl kafe və restoranlara 23:00-a kimi müştərilərə xidmət göstərməyə icazə verilirdi.
Bununla yanaşı, idman tədbirlərinin azarkeşsiz keçirilməsi ilə bağlı da qərar verilib.
Qeyd edək ki, avqustun 14-dən başlayaraq Gürcüstanda festivalların, əyləncəli tədbirlərin, konsert və idman yarışlarının keçirilməsinə qadağa qoyulub.
Bununla yanaşı, Tbilisi, Batumi, Kutaisi və Rustavi kimi şəhərlərdə avqustun 14-dən sentyabrın 4-nə kimi ictimai nəqliyyatın fəaliyyəti dayandırılıb.