Hacıqabulda məktəbli vəfat etdi - Fotolar+Yenilənib

haciqabulda-mektebli-vefat-etdi
Oxunma sayı: 5737

Hacıqabul şəhərində məktəbli qız dünyasını dəyişib. 

“Qafqazinfo” xəbər verir ki, bu barədə onun təhsil aldığı Hacıqabul şəhər Fərhad Süleymanov adına 3 nömrəli tam orta məktəbin sosial şəbəkə hesabında paylaşım edilib.

Bildirilib ki, məktəbin Vl sinif şagirdi Aylin Səmədli vəfat edib.

Paylaşıma yazılan şərhlərdə azyaşlının qızılca səbəbindən öldüyü bildirilib.

***

TƏBİB-dən sorğumuza cavab olaraq bildirilib ki, uşaq 16.05.2024-cü il tarixində saat 20:31 radələrində dəri və selikli qişalarda sianoz, təngnəfəslik, kaxektik, aqonal vəziyyətdə Hacıqabul Rayon Mərkəzi Xəstəxanasının Təcili tibbi yardım bölməsinə yerləşdirilib:

“Daxil olarkən ilkin diaqnoz təxminən 8-9 ay əvvəl keçirtdiyi ensefalitdən sonrakı ağırlaşma, aspirasyon pnevmoniya təyin edilib. Bakı şəhərindəki tibb müəssisəsinə təxliyə zamanı təcili tibbi yardım avtomobilində həkimlərin səylərinə baxmayaraq, xəstənin ölümü qeydə alınıb”.