Hakimiyyət nümayəndəsinə qarşı zor tətbiq etmənin cəzası azaldılır
Cinayət Məcəlləsinin 315-ci maddəsinə, yəni hakimiyyət nümayəndəsinə qarşı müqavimət göstərmə və ya zor tətbiq etmə maddəsinin tələblərinin yüngülləşdirilməsi təklif edilir.
“Qafqazinfo” xəbər verir ki, 315.1-ci maddənin adının aşağıdakı kimi verilməsi təklif olunur:
“Hakimiyyət nümayəndəsinə xidməti vəzifələrini yerinə yetirərkən zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə”
Həmçinin hakimiyyət nümayəndəsinə xidməti vəzifələrini yerinə yetirərkən zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etməyə görə iki ildən beş ilədək müddətə azadlığın məhdudlaşdırılması və ya beş ilədək müddətə azadlıqdan məhrumetmə ilə cəzalandırılması təklif olunur.
Hazırda qüvvədə olan bənddə isə üç ildən yeddi ilədək müddətə azadlıqdan məhrumetmə ilə cəzalandırılma mövcuddur.
Günel Türksoy
Son Xəbərlər
- 1
- 2
- 3
- 4
- 5
- 6
