Həftarın ordusu hərbi təyyarəni vurdu
Marşal Xəlifə Həftarın rəhbərlik etdiyi Liviya Milli Ordusu (LMO) Tripoli yaxınlığında Milli Razılıq Hökumətinin hərbi hava qüvvələrinə məxsus təyyarəni vurub.
“Qafqazinfo”nun “RİA Novosti”yə istinadən xəbərinə görə, bu barədə LMO-nun briqada generalı Əhməd əl-Mismari məlumat yayıb.
“Hərbi qüvvələrimiz Misratdakı hərbi bazadan Tripoli istiqamətində havaya qalxan hərbi təyyarəni vurub”, - deyə əl-Mismari bildirib.
Xatırladaq ki, Liviyada iki tərəf- Milli Ordu ilə Faiz Saracın rəhbərlik etdiyi Milli Razılıq Hökuməti arasında toqquşma gedir.
4 apreldə hücuma keçən marşalın ordusu aprelin 5-də Tripolinin cənub-qərbindəki Canzur və Əl-Svani daxil olmaqla bir neçə rayonu, beynəlxalq hava limanını, Quryan və Surman şəhərlərini də terrorçulardan azad edib. Lakin daha sonra hava limanı ordunun əlindən geri alınıb.
Son Xəbərlər
- 1
- 2
- 3
- 4
- 5
- 6
