Həmsədrlərlə Azərbaycan və Ermənistan XİN başçılarının növbəti görüş vaxtı açıqlandı
Əgər iki dövlətin münasibətlərində vəziyyət və koronavirus pandemiyasının dinamikası imkan verərsə, ATƏT-in Minsk qrupu çərçivəsində 3+2 formatında (Rusiya, ABŞ və Fransadan olan üç həmsədr və Ermənistan və Azərbaycan Xarici İşlər nazirləri) Ermənistan-Azərbaycan sərhədindəki vəziyyətə dair görüşün payızın əvvəlində keçirilməsi mümkündür. “Qafqazinfo” bildirir ki, bu barədə “RİA Novosti”yə RF XİN-dəki mənbə məlumat verib.
“İki dövlətin münasibətlərində vəziyyət və pandemiyanın dinamikası imkan verərsə, ATƏT-in Minsk qrupu çərçivəsində 3+2 formatında görüş payızın əvvəlində baş tuta bilər”, - agentliyin həmsöhbəti deyib.
“Hazırda əsas məsələ Azərbaycanla Ermənistan arasında sərhəddə kifayət qədər gərgin qalan vəziyyəti aradan qaldırmaq və ATƏT-in Minsk qrupu çərçivəsində diplomatik həll axtarışını gücləndirməkdir” – Rusiya XİN-dəki mənbə deyib.
O qeyd edib ki, mümkün görüşün yeri hələ müəyyənləşdirilməyib, o, istənilən yerdə keçirilə bilər.
Son Xəbərlər
- 1
- 2
- 3
- 4
- 5
- 6
