Hindistan səfiri BANM-də
Bakı Ali Neft Məktəbinin (BANM) rektoru Elmar Qasımov Hindistanın Azərbaycandakı səfiri cənab Sancay Rana ilə görüşüb.
BANM-dən "Qafqazinfo"ya verilən məlumata görə, E. Qasımov Ali Məktəbin yarandığı gündən dünyanın nüfuzlu universitetləri ilə əməkdaşlığa önəm verdiyini vurğulayıb. Yaxın vaxtlarda BANM-də “Hindistan neftinin atası” sayılan azərbaycanlı neftçi-alim Eyyub Tağıyevə həsr olunmuş tədbirin keçirilməsi təklifini irəli sürüb.
Səfir S. Rana Hindistan ilə Azərbaycan arasında əlaqələrin inkişafından söz açıb, təhsil sahəsində inkişafın əhəmiyyətini vurğulayıb. Səfir Hindistanın neft-qaz şirkətlərinin Azərbaycandakı fəaliyyətindən də danışıb.
Görüşdə, həmçinin qarşılıqlı əməkdaşlıq, xüsusilə bir neçə hindistanlı tələbənin BANM-də Ali Məktəbin təqaüdü hesabına təhsili və digər məsələlər müzakirə olunub.
Son Xəbərlər
- 1
- 2
- 3
- 4
- 5
- 6
