İcra başçısı Fəxri fərmanlar verdi

İcra başçısı Fəxri fərmanlar verdi
Oxunma sayı: 2404

1 oktyabr - Prokurorluq işçilərinin peşə bayramı münasibətilə Binəqədi rayon İcra Hakimiyyətində tədbir keçirilib. “Qafqazinfo” xəbər verir ki, tədbirdə Binəqədi rayon İcra Hakimiyyətinin başçısı Elxan Allahverdiyev, RİH başçısının müavinləri, aparatın şöbə müdirləri, rayonun hüquq-mühafizə orqanlarının rəhbərləri, Binəqədi rayon Prokurorluğunun əməkdaşları iştirak ediblər.

Tədbiri Binəqədi rayon İcra Hakimiyyətinin başçısı Elxan Allahverdiyev açaraq prokurorluq əməkdaşlarını peşə bayramı münasibətilə təbrik edib. Natiq qeyd edib ki, Ulu Öndərin müəyyən etdiyi strateji inkişaf konsepsiyasını uğurla reallaşdıran və keyfiyyətcə yeni müstəviyə qaldıran Azərbaycan Respublikasının Prezidenti cənab İlham Əliyevin Azərbaycanda hüquqi dövlət və vətəndaş cəmiyyəti quruculuğuna, insan hüquqlarının və azadlıqlarının qorunmasına, demokratik təsisatların yaradılmasına yönələn siyasəti artıq öz bəhrəsini verib.

Tədbirdə çıxış edən Binəqədi rayon Prokuroru Nazim İmanov göstərilən diqqətə görə ölkə başçısı cənab İlham Əliyevə və rayon rəhbərliyinə təşəkkür edib.

Sonda Rayon Prokurorluğunun bir qrup əməkdaşına Binəqədi rayon İcra Hakimiyyəti başçısının Fəxri Fərmanları təqdim edilib.




Daha tez məlumatlanmaq üçün yeni Facebook səhifəmizi