İki ay əvvəl tapdığı “Kalaşnikov”u satmaq istəyirdi, saxlanıldı - Video
Hökməli qəsəbəsində silah satmaq istəyən şəxsə qarşı əməliyyat keçirilib.
DİN-in Mətbuat Xidmətindən “Qafqazinfo”ya verilən məlumata görə, polis əməkdaşlarının Hökməli qəsəbəsində həyata keçirdikləri tədbir nəticəsində yaşadığı evdə qanunsuz olaraq odlu silah-sursat gizlədən, əvvəllər məhkum olunmuş Mais İsmayılov saxlanılıb. Onun evinə baxış zamanı 1 ədəd “Kalaşnikov” markalı avtomat, 30 ədəd patron və daraq aşkar edilərək götürülüb.
Mais İsmayılov odlu silah-sursatı 2 ay əvvəl tapdığını, polisə təhvil verməyərək satmaq məqsədi ilə evində gizlətdiyini bildirib.
Faktla bağlı əməliyyat-istintaq tədbirləri davam etdirilir.
Son Xəbərlər
- 1
- 2
- 3
- 4
- 5
- 6
