“İnter” avrokuboklardan kənarlaşdırıldı?
“İnter” mövsümün sona çatmasını gözləməyərək, avrokubok yarışından çəkilib.
“Qafqazinfo” xəbər verir ki, mövsümün ilk yarısından sonra turnir cədvəlinin 2-ci pilləsində qərarlaşan paytaxt təmsilçisi UEFA tərəfindən tətbiq edilən cərimə müddətinin son tarixinədək bunu həyata keçirə bilmədiyi üçün qitəmiqyaslı yarışlardan 1 illik kənarlaşdırılacaq.
Məlumatı KK-nın iclasından sonra verdiyi açıqlamada “bankirlər”in prezidenti Rəşad Qasımov da dolayısı ilə təsdiqləyib: “Göstərilən zaman elə də kritik məsələ deyil. Əsas odur ki, klub yaşasın. Borcların ödənilməsi ilə bağlı iş gedir. Yalnız UEFA-nın qeyd etdiyi futbolçuların deyil, hamının borclarını qaytarmaq fikrindəyik. Sadəcə, vaxt məsələsidir. İndi borcu ödəyib, klubu pis vəziyyətdə qoymaqdansa, bir il avrokuboklardan kənar qalmaq daha yaxşıdır. İlk olaraq, avrokuboklara vəsiqə qazanmaq lazımdır. Hələ ki, mövsümün ortasıdır və sona çox var. Təbii ki, qitə yarışlarından kənar qalmaq kluba böyük zərbə olar, amma hazırda əsas məqsəd “İnter”in yaşamasıdır”.
Qeyd edək ki, “İnter” yanvarın 31-dək UEFA-nın göstərdiyi futbolçuların borclarını ödəməsə, 2016-2017 mövsümündə avrokuboklarda iştirakına qadağa qoyulacaq.
Son Xəbərlər
- 1
- 2
- 3
- 4
- 5
- 6
