İqbal Ağazadə bu dəfə “Şıxlinski”də izdiham yaratdı - Fotolar

İqbal Ağazadə bu dəfə “Şıxlinski”də izdiham yaratdı
Oxunma sayı: 2184

Deputatlığa namizəd, Ümid Partiyasının sədri İqbal Ağazadə Şıxlinski küçəsinin sakinləri ilə görüşüb. 

"Qafqazinfo" xəbər verir ki, namizədin bu görüşündə də izdiham yaranıb.

Çıxış edən İ.Ağazadə Şıxlinski küçəsinin problemlərindən və ölkə üzrə bəzi məsələlərdən danışıb. O, bildirib ki, bizim təhsil, səhiyyə və sosial vəziyyətimizdə ciddi islahatlar aparılmalıdır: "Hər bir vətəndaş ildə iki dəfə dövlət hesabına tibbi müayinə olunmalıdır. Abituriyentlər həm magistr, həm də bakalavr təhsilini ödənişsiz almalıdır. Əgər kimsə ikinci dəfə bakalavr oxumaq, ixtisasını dəyişmək istəyirsə, o zaman buyurub ödənişli əsaslarla təhsil ala bilər. Biz Milli Məclisdə olduğumuz müddətdə də bu kimi məsələlərə toxunmuşuq. Əgər yenə də etimad göstərsəniz, mən bu məsələləri hökümət qarşısında qaldıracağam".

İ.Ağazadə bəzi müəllimlərə də müraciət edib: "Lütfən xalqın səsinə əl uzatmayın. Sizə nələrsə təklif edə bilərlər, saatlarınızın sayını azaltmaqla, işdən çıxarmaqla hədələyə bilərlər. Sizlər bu oyunlara getməməlisiniz. Sizin iki saat dərsiniz artacaq deyə bu insanların gələcəyini oğurlamayın, seçkidə saxtakarlıq etməyin".

İ. Ağazadə onu da qeyd edib ki, bu gün hətta süpürgəçiləri belə hədələyirlər: "Mənim əziz süpürgəçi anam, sənin süpürgəni əlindən almaqla qorxudurlar. Onlara inanmayın. Onlar o süpürgəni aparıb öz əzizlərinə verən deyillər, yenə də sizə möhtac olacaqlar".






Daha tez məlumatlanmaq üçün yeni Facebook səhifəmizi