İranda bir gündə 2 621 nəfər koronavirusa yoluxub, 226 nəfər dünyasını dəyişib.
“Qafqazinfo” xəbər verir ki, bu barədə İran Səhiyyə Nazirliyinin sözçüsü Sima Səadət Lariyə açıqlama verib. Bununla da ölkədə Covid-19-a yoluxanların sayı 301 min 530 nəfərə çatıb, 16 569 nəfər isə pandemiyanın qurbanı olub.
134 min 349 pasiyentin isə müalicə olunaraq sağaldığı bildirilib.
Epidemioloji vəziyyətin pisləşməsi ilə əlaqədar hökumət iyulun 5-dən etibarən ölkənin əlverişsiz ərazilərində, ictimai və qapalı yerlərdə qoruyucu maska taxmağı məcburi edib.
Son xəbərlər
Son Xəbərlər