İrəvanda növbəti avtoyürüş keçirilir, saxlanılanlar var - Yenilənib

irevanda-novbeti-avtoyurus-kecirilir-saxlanilanlar-var
Oxunma sayı: 1543

Ermənistan müxalifətinin nümayəndələri Baş nazir Nikol Paşinyanın istefasını tələb etmək məqsədilə yenidən paytaxt İrəvanda avtoyürüş keçirirlər.

“Qafqazinfo” xəbər verir ki, bu barədə məlumatı “Para.tv” yayıb.

Etiraz aksiyası paytaxtın kənar ərazilərindən başlayıb. Aşağı sürətlə hərəkət edən 5 avtomobil kolonu İrəvanın mərkəzinə tərəf hərəkət edir.

Xatırladaq ki, artıq bir neçə gündür ki, İrəvanda avtoyürüşlər keçirilir. Bu cür aksiyalar paytaxt küçələrində uzun tıxaclara səbəb olub. Ümumilikdə isə, Ermənistanda aprelin 25-dən etibarən Nikol Paşinyana qarşı aksiyalar təşkil edilir. Etirazçılar Paşinyanın və cari hökumətin istefasını tələb edirlər.

***

Ermənistan polisi avtoyürüşdə iştirak edən 21 etirazçını saxlayıb.