“İşimiz meydana çıxmaqdı, sponsora qarışa bilmərik...”
"Bu gün çox yaxşı oynadıq. Hava şəraiti pis olsa da, futbolçular mübarizə apardılar. Çətinliklərə baxmayaraq, yaxşı oynamağa çalışırıq, əlimizi-qolumuzu aşağı salmırıq. Futbolçular bu qələbə ilə yaxınlarda olan doğum günümü təbrik etdilər".
"Qafqazinfo" futbol11.az-a istinadən xəbər verir ki, bu sözləri “İnter”in baş məşqçisi Zaur Svanadze “Kəpəz”i 4:1 hesabı ilə məğlub etmələrinə münasibət bildirərkən deyib.
- Bu gün “İnter” 3 xal qazandı, dünən isə sponsorsuz qaldı. Sevinirsiniz, yoxsa ikinci duruma görə gərginsiniz?
- Bizim işimiz meydana çıxmaq, məşq etmək və oynamaqdı. Sponsorlar belə qərar qəbul ediblərsə, biz qarışa bilmərik.
- Belə vəziyyətdə komandanı toparlamaq çətin deyil?
- Xeyr. Biz yaxşı komanda olduğumuzu göstərməliyik. Yəqin ki, yeni sponsorun adı yaxın günlərdə bəlli olacaq.
- Bugünkü oyunda Ruslan Abışovla Ağabala Ramazanovun yeri görünmədi...
- Ruslan və Ağabala yaxşı futbolçular idi. Biz çalışmalıyıq əlimizdə olan futbolçularla mübarizə aparaq. Ümid edirəm ki, onların yerini hiss etdirməyəcəyik.
Son Xəbərlər
- 1
- 2
- 3
- 4
- 5
- 6
