İsrail Səhiyyə Nazirliyi poliklinika və xəstəxanalara 5-11 yaşlı uşaqların xüsusi hallarda koronavirusa qarşı peyvənd edilməsinə icazə verib.
“Qafqazinfo” TASS-a istinadən xəbər verir ki, bu barədə nazirliyin yaydığı məlumatda deyilir. Bildirilir ki, COVİD-in ağır formasının inkişafı və yoluxma zamanı ölüm riskinin olduğu hallarda 5-11 yaşlı uşaqlara vaksin vurula bilər.
Qeyd edək ki, İsraildə ötən ilin dekabrından “Pfizer” vaksini ilə peyvəndlənmə başlayıb.