İsraildə koronavirusun ikinci dalğası başladı
İsraildə koronavirus epidemiyasının ikinci dalğası başlayıb.
“Qafqazinfo” “The Times of İsrael”ə istinadən xəbər verir ki, bu barədə İsrail Müdafiə Ordusunun (TSAHAL) hərbi kəşfiyyat idarəsi yanında Covid-19-la mübarizə milli informasiya mərkəzinin hesabatında deyilir.
Məlumata görə, epidemiyanın artması iyulda minlərlə yeni yoluxma, yüzlərlə ölüm hadisəsinin yaranmasına səbəb olacaq.
“Yeni dalğa birinci dalğadan bəzi xüsusiyyətlərinə görə fərqlənəcək, ancaq o qədər də ciddi olmayacaq. Hazırkı yoluxmanın artması potensial olaraq yenidən ümumi karantin rejiminin tətbiqini zəruri edir.”, - deyə mərkəzin məlumatında bildirilir.
TSAHAL və Səhiyyə Nazirliyi vətəndaşların maskadan istifadəyə və profilaktik tədbirlərə laqeyd yanaşmasından narahatlığını bildirib.
Son günlər İsraildə sutkalıq yoluxma 200-300 arasında dəyişir. Mayda bu rəqəm 20 olub.
Qeyd edək ki, İsraildə 21 min 8 nəfər koronavirusa yoluxub, 307 nəfər dünyasını dəyişib. 15 min 761 nəfər isə xəstəliyə qalib gəlib.
Son Xəbərlər
- 1
- 2
- 3
- 4
- 5
- 6
