İstirahət mərkəzinin icarədarı cəzalandırıldı
İyunun 24-də paytaxtın Xəzər rayonu ərazisində Daxili İşlər Nazirliyinin Baş İctimai Təhlükəsizlik İdarəsi və Ekologiya və Təbii Sərvətlər Nazirliyinin müvafiq qurumları birgə reyd keçirib.
DİN Mətbuat Xidmətindən “Qafqazinfo”ya verilən məlumata görə, reyd zamanı “Şans” istirahət mərkəzinin ərazisində məişət tullantılarının qalaqlanması faktı aşkar olunub. Qeyd olunan istirahət mərkəzinin icarədarı R.Rəşidov İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduğuna görə barəsində protokol tərtib edilib.
Bu istiqamətdə tədbirlər davam etdirilir.
Son Xəbərlər
- 1
- 2
- 3
- 4
- 5
- 6
