İtkin düşən 15 yaşlı qızlardan biri tapıldı - Yenilənib
Bakıda yeniyetmə qız itkin düşüb.
“Qafqazinfo” xəbər verir ki, bu barədə Binəqədi Rayon Polis İdarəsinə avqustun 11-i müraciət daxil olub.
Binəqədi qəsəbə sakini E.Məmmədov ərizəsində bildirib ki, 2009-cu il təvəllüdlü qızı N.Məmmədova yaşadıqları evi tərk edib və geri qayıtmayıb.
Oxşar hadisə Gəncədə də baş verib. Ş.Bədəlova polisə şikayət ərizəsində bildirib ki, övladı 2009-cu il təvəllüdlü A.Bədəlova avqustun 11-də yaşadıqları evi tərk edərək itkin düşüb.
Hər iki müraciətlə bağlı araşdırma aparılır.
***
DİN-in Mətbuat xidmətindən bildirilib ki, Gəncə şəhərində 2009-cu il təvəllüdlü A.Bədəlovanın itkin düşməsi faktı üzrə axtarışı aparılaraq tapılması təmin olunmaqla ailəsinə təhvil verilib.
Qeyd edilib ki, Bakıda əvvəllər dəfələrlə itkin düşmüş kimi axtarışı elan olunan 2009-cu il təvəllüdlü N.Məmmədovanın yenidən itkin düşməsi ilə bağlı daxil olan müraciət üzrə araşdırma aparılır. Onun polis əməkdaşları tərəfindən təkrarən tapılaraq ailəsinə təhvil verilməsi təmin olunacaq.
Son Xəbərlər
- 1
- 2
- 3
- 4
- 5
- 6
