Türkiyənin İzmir şəhərində silahlı atışma baş verib.
“Qafqazinfo”nun Türkiyə mediasına istinadən məlumatına görə, aralarında mübahisə yaranan 2 qrup bir-birlərinə tapança və tüfəngdən atəş açıblar. Nəticədə hər iki tərəfdən ümumilikdə 10 nəfər yaralanıb. Hadisə yerinə xeyli sayda polis və təcili yardım işçiləri göndərilib. İnsidentə görə 6 nəfər saxlanılıb.
Polis tərəflərin yenidən dava ehtimalına qarşı təhlükəsizlik tədbirlərini gücləndirib və məhəlləni nəzarətə götürüb.