Jurnalist kimi geyinib bombanı işə saldı - 29 ölü, 50 yaralı
Əfqanıstanın paytaxtında baş verən partlayışda Fransanın “France Presse” informasiya agentliyinin fotoqrafı ölüb.
“Qafqazinfo” xarici KİV-ə istinadən xəbər verir ki, bu gün səhər paytaxt Kabildə iki partlayış olub. İlk partlayışı motosikletdə olan terrorçu-kamikadze həyata keçirib. Partlayışlarda yeddi nəfər ölüb, 20 nəfər yaralanıb.
Ölənlər və yaralananlar arasında TOLOnews, 1TV, Al Jazeera və digər telekanalların nümayəndələri də olub.
***
Kabildə partlayış nəticəsində ölənlərin sayı 25-ə çatıb, 50 yaralı var.
***
Məlumata görə, ikinci partlayış video çəkmək üçün əraziyə toplaşan jurnalistlər arasında baş verib. Şahidlərin sözlərinə görə, özünü jurnalist olaraq təqdim edən terrorçu kameraya yerləşdirdiyi bombanı işə salıb.
***
Ölü sayı 29-a çatıb. İŞİD hücumun məsuliyyətini öz üzərinə götürüb.
Son Xəbərlər
